Miditra ao anatin'ny tambajotra

Tanjon’ity tambajotra ity ny fampivondronana ireo mpisehatra rehetra amin’ny Varotra Ara-drariny izay monina ao amin’ny morontsiraka atsinanan’i Madagasikara, hanamafisana ny fahaizan’izy ireo mamokatra sy mivarotra, sady manome antoka ny fampiroboroboana ny soatoavina mampiray azy ireo.

Indro misy tsara ho fantatra raha toa ianao kaoperativan’ny mpamokatra ary maniry hiditra ao amin’ilay tambajotra.

Maka dika mitovy

Ny Satanay

Tsy maintsy mahafeno ireto fepetra manaraka ireto ny kaoperativa raha te hiditra ao anatin’ny RCCE:

  • Manatanteraka hetsika mifandraika, na mety misy ifandraisany amin’ny Varotra Ara-drariny eto Madagascar.
  • Miorina eto Madagasikara, hanohanana ny fampandrosoana sy fampiroboroboana ny varotra ara-drariny.
  • Miditra an-tsehatra eo amin’ny sehatra nasionaly, isam-paritra ary/na eo an-toerana, entanin'ny faniriana hiara-hiasa sy hifameno amin’ny anjara asa fanampiana ho an’ny fampandrosoana ny tontolo ambanivohitra sy ny fambolena.
  • Manana mari-pamantarana "Fair Trade" na eo am-pikarakarana ny taratasy fanamarinana.
  • Mankato ity sata ity, sy ny lalàna ary ny fitsipika mifehy ny RCCE.